Shame on these HK ppl 之二: 港伯version

(cont'd)

等候期間, 2位港伯遊蕩到我galley 搵我講野. (請注意: 小薯一直的對話都係好patient, 好好語氣的. 事後同事問我點解頂得順, 其實我都唔知點解. 我諗可能佢地inflight 時都幾有禮貌, 同埋又上左年紀啦.)

港伯A: 個病人咩事呀?

小薯: 佢對芝麻敏感發作呀.

港伯A: 哦~~~~!!! 芝麻點會敏感呀?? 好小事je!

小薯: ........(無言以對)
港伯A: 我都對花生敏感ga! 我個陣睇世界杯食左5lb 花生呀! (敏感都食得!!!!????) 之後就腳指生晒 "gull" 呀! (乜9呀...??) 食左兩個禮拜藥先好返呀!
小薯: 哦~ 咁你食野都要小心d 呀! (你個d 係hk 腳ja??? 人地敏感係會死人ga wor...)
港伯A: 芝麻敏感好小事je~~!! 扮野咩~!
(以上港伯A "生9" 對白重覆不下10次...)

港伯B: 個病人咩人呀? 佢咩事呀?
小薯: 佢係印度人, 芝麻敏感呀.
港伯B: 哦~ 今日班機有幾多人呀? 有冇3百人呀?

小薯: 差不多3百人啦~
港伯B: WAH! 咁佢1 個人累左300 人喎! (佢真係講左呢12個字)(咁佢都講得出口ge?? 有冇良心呀!? 你自己年紀都唔細啦, 你有事我地係咪唔救你先?)

小薯: 咁人命要緊丫ma!
港伯B: 咁又係...港伯B坐返埋位, 好大聲咁講: 唏! 個亞叉累晒成機人呀! ( exactly 呢10個字)

港伯A又遊蕩返黎: (當然又重覆左上述對白幾次) 仲未落機ge?

小薯: 下? 我地仲要返hk 喎. 呢度係台北呀.
港伯A: 下! 咩真係台北咩? 我睇個電視, 見隻機調頭飛去台北, 我仲以為個電視錯左tim! 乜真係飛左台北ga?? 乜 captain 唔做announcement ga?
小薯: 有呀, 佢有做announcement ar. (我地仲translate 埋中文)
港伯A: 冇呀! 邊有呀!

小薯: 做左幾次ga la, 可能你訓左覺聽唔到je. ( 俾個落台階佢啦)
港伯A: 冇! 我無訓到!

小薯: 哦...... (我仲可以講d 咩呢?)
港伯A: 咁而加仲等咩呀? 仲唔走?

小薯: 而加飛機要入返油, 入完油就走得ga la.
港伯A: 仲乜要入油呀?

小薯的亞姐在旁已經頂唔順: 咁我地緊急降落要放油ma, 唔係架機land 唔到ga! 咁而加咪要加返油lor.
港伯A: 好小事je! 攪到delay 左咁耐! 做乜要黎台北!
小薯: 如果唔係咁嚴重, 有生命危險, 我地都唔會轉飛台北啦.
港伯A: (又repeat) 咁小事, 唔洗飛黎台北啦!
小薯: (伯伯, 我真係無你咁長氣啦... d 對白要loop 幾多次你先肯聽下人地講野ga...)


所以話, 呢個世界咩人都有, cheap 精有, 超級stubborn 有, 好好好好人亦都有! 亦好在呢班機遇到上至下都超好的crew!
但願呢個世界多d 心地善良的人.

Shame on these HK ppl 之一: 港嬸version

話說前幾日長途機返港, 14h23m, 超長. serve 第二餐時, 一名印籍伯伯因芝麻敏感發作, 食左d 藥都無用, 坐佢隔離個位西人走黎向我求救. 坐窗口位的印伯話好唔舒服想要訓低, 坐走廊位的西人已經自動波企埋一二邊, 讓個位俾印伯彎低d.

好在班機唔full, 於是我係附近搵到2港人霸4個位坐的一排, 問下2公婆港人可否調個位俾病人. 2公婆扯貓尾扯左幾分鐘, 個屎忽終於離開左個位. 唔該晒! 安頓左印伯訓低左, 兩個亞姐就照顧住佢, 我就好殷勤咁招呼2位港人, 搵到最闊落的第一排俾佢兩個坐埋一齊.

港嬸個屎忽一坐落個位, 就問: 咁有冇compensation 俾返我地?
小薯(個下真係O左咀幾秒): "um... 我陣間幫你問下..."
之後--
小薯: d senior 同manager 都忙住救緊病人, 未有時間問你d compensation住.
港嬸: 咁你記住問喎!
...... 跟住港嬸又話個位凍呀!
小薯:其實後面都好多位ga, 我可以幫你調去後面坐.
港嬸：咁唔洗啦！

(唔該啦! R野! 一來人命攸關, 二來唔係無位你坐要你企係度land 丫! 三來我仲要調左第一排最闊要加錢訂的位俾你地, 仲要坐返埋一齊, 你仲想點?最後manager 都費事應酬佢, 叫我同佢講 medical case, no compensation. )

無幾耐印伯清況越來越嚴重, 班機20min 後要divert 去台北. 救護員話好在及時送到佢黎. 坐隔離個位3唔識7, 自動波讓個位出黎的客人, 已經義務自動波幫病人執好行李tim! 送走印伯之後, 我地就等入完油就飛返hk.

(to be cont'd)

被困Delhi 之第二天

16:00, 再次返到hotel, depressed & exhausted. 壞消息, 我地計來計去, 真係legal 要我地operate 即晚same pattern 經bangkok 2-sector flight 返hk. (因為 we hv not enough rest if we operate the direct HK flight which departs earlier.) 加上好明顯老capt 無落力同我地fight, 只一心想返london, 故此我地要做呢班機, 另加我 galley 一個男crew 肚痛要請病假. 真係有冇得再慘d 呀? 係crew room 想一齊叫野食, 填補一下空空的肚子, 酒店又話送唔到... 於是搵 jaffy 舒發一肚慘氣, 好在 jaffy 係度, 仲有d 餅同麵俾我食. 係佢間靚房沖個涼, (不過無乾淨衫換), 掙取時間返自己間核突房訓.

(題外話, jaffy 本來就係做呢班bangkok 2-sector flight 返hk, 多得我地, 佢地就做左早d 個班direct HK flight, 仲要無delay 平安準時返左hk, 我地就食埋呢班又delay 的flight... 呢個就係一個杯麵同一包餅的代價啦...)

0100, wake up call 準時到. 再一次重複昨晚的一切, 不同的是, 今晚早少少, d 霧無咁大. 大家一心諗住實走到啦! 誰不知...

0300, 幾過昨晚一番勞役又訓得幾個鐘, 所有人都謝晒. 準時到機場又開工. ground prep., 上客, 一切都似曾相識, 有時仲分唔清究竟係今晚定係昨晚. yeah! 上晒客走得! 突然又聽到capt announcement. 頂! 一定無好野啦! 不過今次新鮮d, 係測量 visibility 的machine 壞左, 要搵engineer 維修. fix 完差不多1hr, d 霧又大返!!! 究竟我地做錯左d 乜野?? 點解唔俾我地走呀?? 不過飛機都push back出去, 等 visibility 一夠就take off 即走. 坐係crew seat 度又等左個幾鐘, 老總call我地叫我地cheer up! 一齊pray! 今日全院滿座印度客當中有幾位大6人, 其中一個投訴等得耐, 老總仲笑說, he's too early to be upset! 但結果都take off 唔到.

barely see the tip of the wing

0700, 我地又要返 parking bay….. 為免重轁覆轍, 今次我地係d 客發難之前, 就heat 左早餐d 包俾佢地食先. capt 又話日出左會好d (昨日都係咁話...) 最重要係我地係 air space close for rehersal 之前走到, 唔係又loop 返昨日一樣...

0830, 終於, 終於聽到久違了的engine 聲! 個一刻真係好感動! 因為我個galley 少左個crew, 所以都幾辛苦, 好彩 j class d crew 幫手, 亞姐又好好, 所以, 如常的印度客, 如常多的request, 都俾我地攪掂晒! 而好邪門地, 做完service 之後water tank 就無晒水... 唔理啦! 好快就捱完啦!

4hours later, we landed into bangkok FINALLY!!! 由於我地會過max. duty hour limit, 所以有一set crew 係bangkok 接手, 而我地終於鬆一口氣! nap 左一陣, 食返d 野, 先知自己真係好攰.

1815 HKT, 終於見到香港啦!!! 好想大叫 i love hongkong!!!

thanks everyone for this tough flight, from the b0ttom of my heart!

被困Delhi 之第一天

一月, Delhi, 大霧.

前言

離開hk 時, captain 話Delhi好大霧, 可能會land 唔到, 要 divert去印度其他airport. 當時我地諗, divert左咁我地仲洗唔洗再飛返DEL 再做返hk 呢? 千祈唔好divert 呀...

6hrs 後, capt 用auto-pilot 成玏landing. 氣溫11度, 因為太凍, 當地人要燒炭燒木燒垃圾取暖. 霧+煙, 總之乜都睇唔到. 坐crew bus 去hotel 時個個都唔敢訓, 司機好利害, 睇唔到路都認得路返hotel.

5am 沖完涼訓落床, 12nn 就醒左, 直到1am 酒店wake up call 要起身返工都訓唔返. 死啦, 仲要捱個overnite, 又無訓過, 沖杯coffee 提下神.

點知01:05, 酒店又call, "your wake up call is 1am, and your pick up time is on hold." ON HOLD?? 仲要唔知幾點走, 咁你又打黎叫醒我!!?? 頂, 我仲要飲左杯cofffee, 想訓一下都訓唔到... um... 唔通隻機land 唔到DEL? jaffy 係呢班機喎...

03:10am, 終於收到call, 03:50am 就集合走啦. 出門口見到jaffy 啱啱到hotel 喎! 好開心~ e? jaffy 班機唔係land 唔到咩? 點解會見到佢ge? 隻機黎到, 咁我地等咩呀? jaffy 話佢地land得好順利, 應該係我地班機走唔到先啱...


can see the tree & ground floor in day time from my room 6/F.
barely see the same tree at nite time before we left hotel.


戲肉

0425, 到機場開工. 明明咁大霧根本起唔到飛, 但係 ground staff 係都要上客, 因為 d 客上晒機, 一離開parking bay咁就唔關佢地事. 等左 1hr 先離開 parking bay, 仲要係跑道旁等左2hr, 等無咁大霧即走. capt 話開始日出, d 霧會快d 散. 我個位對住d 客, 又係廁所前面, 我呢兩個鐘就係咁停止d 客去廁所同埋俾人問點解唔走得. 由於出面大霧到連機翼都見唔到, 加上仲係朝早時間客人都好眼訓, 所以仲係好平靜, 佢地都好明白.

0700, capt 話我地如果等多一個鐘頭就唔夠油, 要返去加油. 結果呢個鐘頭隻機move 都無 move 過.

0800, 返parking bay 入油, 呢個時候好多客都醒晒, 又肚餓, 開始係咁按call light 要野飲要野食. 由於 capt 話45min 就入完油, 再返出去等, 所以唔夠時間派早餐俾d客食, 加上 indian custom 唔可以on ground 開bar, 我地唯有俾sandwiches, nuts 同soft drinks + juice.

0845, 入完油, 仲未走得, capt 話要等 new flight plan.

0900- 1200 , 因為26日國慶有飛行表演, 所以全air space closed for rehersal ==> no aircraft takes off / lands. 係咪玩野呀??!! 於是我地就派早餐. 我地都好明白, d 客困左咁耐又無野食好慘. 但我地又何嘗唔係一樣呢? 我地仲要做野, 服待d 客, 仲無野食, 無停過呀! 呢個時候我地已經知道我地再飛就會過max. duty hour limit (11.25 housr with no flat bed rest), 所以只可以operate 到bangkok, bkk-hkg 個程要另一set crew 接手. 等到air space re-open, capt 話我地no. 2 in the queue, 但係, 等極都無走到. d 野食野飲慢慢serve 晒, 一包nuts都無, 又唔俾d 客離開, d 客開始發癲. 由開始堆係gallery 唔肯走, 到衝晒上door 1 搵老總同capt 理論. 我係door 2 根本就阻止唔到呢班怒漢, 結果d 客堆到成個business class 都企滿晒人.

1330, 我地爆晒鐘, 連del-bkk 呢程都operate唔到, 要係DEL hotel call 一 set crew黎接手. 可能個set crew 未夠 min. rest, 所以我地等左好耐佢地都未到. 終於開左機門, d ground staff 開頭唔肯上黎, 因為佢地唔想煩. 呢個時候我忍唔住躲埋一角喊左出黎, 好stressful, 好攰, 身心疲累. 最慘係我亞姐, 佢係唯一一個印度crew, d 客勁"cher" 住佢. 但佢好好人, 又好take care 我地, d 客圍我地佢仲幫我地頂. 本來我忍返住唔喊, 但一見到我亞姐我又忍唔住, 兩個攬住係度喊. d 客見我地咁, 梗係四散啦! 後來有個客同我話, don't take it personal, it's not about us. 我梗係知唔關我事啦, 但係俾班男人圍住幾個鐘咁鬧, 已經又氹又講道理, 你地仲想我點?

1400, 10hours stucking with full-loaded indian pax inside the aircraft, 終於離開飛機, 一走, 我地即係嚎哭!

完啦! 終於都完啦!!! 一心以為噩夢完啦, 點知只係噩夢的一半...

(to be cont'd)

俾靜電電到都要俾客鬧，已經係第二次，企係度俾客門小。今次仲要寫埋complaint... 你以為我係神奇4俠曉放電，特登電你咩！電到我都一樣咁痛ga! 況且要電都瑥個靚仔黎電啦！靜電係大自然現象，咁都要投訴，不如投訴埋太陽係東方升起啦笨！